* عملت ايه لما عرفت بالعرض ده ؟
- طبعاً مصدقتش الا لما شفت الفاكس بنفسى .
* وايه يخليك متصدقش ؟
- وبضحكه وابتسامه عريضه جدا وبعضُ من السخرية قال " لانهم عارفين الرد ياعم الحاج " .
* والرد انك مش هتروح ده طبيعى ؟
- نظر الى وهو فى قمة العظمة والعزة بالنفس " الموت جوعا لى وأولادى أشرف لى من أن أدرب هذا المنتخب ولو كان أخر منتخب فى العالم " .
* مازحاً معه وقائلاً " طيب شبيك لبيك نفسك فى ايه " ؟
- نفسى اعمل حاجتين أولها أوصل بالمنتخب لكأس العالم والتانية انى أجيب أى بطوله للزمالك وبعد كده أعتزل " .
* طيب وهتعتزل ليه ؟
- قال لى وقد وصل علو صوت ضحكته أخر الحفل " هو الزمالك هيخلى فيا نفس عشان أكمل تدريب " .
* ما مشكلة الزمالك من وجهة نظرك ؟
- هقول طبعا مفيش مشاكل مع حسام حسن ده إبنى وانا عارف هو بيعمل ايه مع الولاد بالضبط .
ووقتها تركته مع أصدقائه وذهبت لألتقى بعض الاصدقاء ووقتها كانت أخر كلمه بينى وبينه
* قال وهو يبتسم " حبيبى شكلك أهلاوى " .
- قلت له لا فأنا زملكاوى اباً عن جداً .
الأحد مارس 14, 2010 7:48 am
